Aromatherapi

Beth yw Aromatherapi?

Mae aromatherapi yn defnyddio priodweddau therapiwtig olewau hanfodol i wella iechyd a lles corfforol ac emosiynol. Mae’n therapi ysgafn, ymarferol sy’n ceisio ysgogi ymlacio, cynyddu egni, lleihau effeithiau straen ac adfer cydbwysedd i’r meddwl, y corff a’r enaid.

Hanes Aromatherapi

Darganfu llawer o wareiddiadau hynafol drwy siawns fod rhai o’r dail, aeron a gwreiddiau a gasglwyd ganddynt ar gyfer bwyd yn gwella iechyd neu hwyliau ac yna trosglwyddwyd y wybodaeth hon am sylweddau naturiol o genhedlaeth i genhedlaeth. Defnyddiodd yr Eifftiaid yr hanfodion hyn yn eu defodau angladd i eneinio eu meirw. Gwnaed arogldarth persawrus o’r hanfodion olew a’i losgi am yr amrywiol effeithiau a gynhyrchwyd ganddynt.

Dilynodd y Groegiaid hynafol y traddodiad hwn oddi wrth yr Eifftiaid a gwneud llawer mwy o ddarganfyddiadau eu hunain. Fe wnaethant ddarganfod y gallai olew olewydd amsugno arogl blodau neu berlysiau ac fe wnaethant ddefnyddio’r olew persawrus hwn at ddibenion meddyginiaethol a chosmetig.
Parhaodd y traddodiadau hyn mewn un ffurf neu’i gilydd ers y dyddiau cynnar hynny ac yn ystod rhan gyntaf y ganrif hon y daeth Aromatherapi i’r amlwg fel therapi dilys, wedi’i ymchwilio’n wyddonol, a ddefnyddir i drin llawer o gyflyrau. Mae o fudd arbennig wrth ofalu am a thrin straen, cwynion cyhyrol, iechyd menywod, problemau croen, iselder a phryder.